Һине өйөңдә көтәләр, "Башҡорт"!

Аш бүлмәһендә тәмле еҫтәр сығарып бәлеш бешереп йөрөгән Әлфиә апайҙы күҙәтәм. Балаһы өсөн ни тиклем бошонһа ла, үҙен тыныс тоторға тырышҡан баҫалҡы ҡатынға ҡарап, улын көткән бар әсәләр ҙә шулай түҙемле буламы икән, тип уйлайым. Моғайын, шул сабыр аҡылы менән терәктер ҙә ул яуҙағы ғәзизенә...

- Бар малайҙар кеүек улым бәләкәйҙән ат яратты. Һабантуйҙарҙа ярышып беренсе урындар ала торғайны. Техника өсөн дә йәнен бирергә әҙер ине. Бала сағында гел үҙенән өлкән йәштәгеләр менән аралашты. Ҡыйыу, зирәк, сос, һәр кем менән уртаҡ тел таба белде, - тип улының бала сағын хәтерләне әсә. Шундай кеше генә хәрби була алалыр ҙа...

Яу ҡырындағы башҡорт командиры тураһында мәҡәлә гәзиттең 13-сө һанында баҫылды. 

Фото ғаилә архивынан.