«Сәләмәтлек автопоезы» - Һарышта

Республикала “Һаулыҡ һаҡлау” милли проекты иң мөһимдәренең береһе. Ошо проектҡа ярашлы “Сәләмәт республика - сәләмәт төбәк” акцияһы уҙғарыла. Бик күп райондарҙа һаулыҡ автопоезы эшләй. Әлеге мәлдә «Сәләмәтлек автопоезы» һарыш ауылы биләмәһе халҡын хеҙмәт­ләндерә. Ул мәктәп бинаһы янында урынлаштырылған. Иртәнге 9-ҙан аҙаҡҡы ки­леүсегә тиклем белгестәр пациент ҡабул итә. Биләмәлә йәшәгән халыҡты күсмә ФАП-ҡа автобус йөрөтә. Улар флюорография, маммография, ЭКГ үтә, анализдар тапшыра. Биләмә халҡына үҙәк район дауаханаһынан килгән терапевт, окулист, хирург, кардиолог, невролог, уролог, эндокринолог, он­колог тикшереүе, УЗИ үтеү ҡаралған. Балаларҙың һау­лығын педиатр һәм башҡа белгестәр тикшерә. Шулай ук күсмә “дауаханала” телә­гән һәр кеше коронавируска ҡаршы прививка яһата. Ошо уңайлыҡтар өсөн ауыл халҡы биләмә башлығына, мәктәп директорына, фермерҙарға, ашнаҡсыларға рәхмәтле.