Йүтәл йонсотҡандан, тын ҡыҫҡандан, баш ауыртҡандан, йоҡоһоҙлоҡтан, астманан яҡшы рецепт

Әҙәм балаһын тәбиғәт үҙе дауалай. Уның өсөн халыҡтың быуындан-быуынға күсеп килгән рецепттарын оноторға ғына ярамай.

Йүтәл йонсотҡандан, тын ҡыҫҡандан, баш ауыртҡандан, йоҡоһоҙлоҡтан, астманан яҡшы рецепт тәҡдим итәм. (Ҡулланыр алдынан врач менән кәңәшләшергә онотмағыҙ).

Йәй уртаһында яңы йыл уйынсыҡтары кеүек ылыҫлы ағастарҙың олононда тубырсыҡтар өлгөрә. Ылыҫтары ҡулға йәбешеп торған йәшел тубырсыҡтарҙы йыйып, өс литрлы банкаға тултырғас, өҫтөнә бер килограмм шәкәр ҡомо һибергә лә, полиэтилен ҡапҡас менән ҡаплап, ике айға ҡояшлы урынға ҡуябыҙ. Килеп сыҡҡан сиропты һөҙөп алғандан һуң һыуытҡыста һаҡларға кәрәк. Һутты төшкө, киске мәлдә бер ҡалаҡ эсеп ҡуйырға кәрәк. Һау булайыҡ!