Дарыу – аяҡ аҫтында, йыйып киптерергә онотмағыҙ

Үгәй инә үләне һалҡын тейеүҙән, грипп, тын юлдары сирҙәренән файҙалы. Дауаланыу өсөн сәскәләре менән япраҡтарын йыялар. Ҡымыҙлыҡ гипертония менән атерослероздан файҙалы. Гастрит, йөрәк-ҡан тамырҙары сирҙәренән дә дауалай. Бәпембә витаминдар, калий һәм фосфорға бай. Төнәтмәһе организмды нығыта, тынысландыра, ҡанды таҙарта, организмды йәшәртә, аҙ ҡанлылыҡтан файҙалы. Сирень, муйыл сәскәләре лә файҙалы. Сиренб сәскәһе баш ауыртыуҙы, веналарҙың варикоз киңәйеүен, йәрәхәттәрҙе дауалау өсөн ҡулланыла. Кесерткәнде сирҙәрҙе киҫәтеү маҡсатында ҡулланалар. Йәш кесерткән япрағы үтте ҡыуа, ҡан тамырҙарын киңәйтә, гемоглобинды, организмдың тонусын күтәрә, иммунитетты нығыта.