Нимә генә юҡ бында!

Унда “Ханнанов” фермер хужалығы, Салауат исемендәге кооператив хеҙмәтсәндәре мал аҙығы, бойҙай, борсаҡ һәм башҡа культуралар менән сауҙа итте. Шәхси хужалыҡтар күпләп картуф һатты, шулай уҡ йәшелсә, еләк-емеш тәҡдим ителде. Умартасылыҡ менән шөғөлләнгәндәрҙең тауарына һорау ҙур ине. Ит, ярым фабрикаттар, май, һөт һатыусылар рәтендә лә йәнлелек һиҙелде.

Воскресенский ауылынан Николай Ракитин төрлө сортлы ҡабаҡ алып килгән, Ергәндән Илдус Мотаһаров миндек, үләндәр менән сауҙа итте. Ағас, сәскә үҫентеләрен дә теләп һатып алдылар.

Ҡала мәҙәниәт һарайы һәм ауыл клубтарынан килгән артистарҙың сығышы көҙгө йәрминкәгә йәм өҫтәне.