Бөгөн - Рәсәй фермерҙары көнө

Хәҙерге ваҡытта фермерлыҡты һөнәр итеп билдәләп булмайҙыр, минеңсә, ул – йөрәк ҡушыуы буйынса башҡарылған хеҙмәт. Улар - маҡсатсан кешеләр, ауыл хужалығы продукцияһы менән тәьмин итеп, көн һайын ауыр эш башҡара. “Бөгөнгө фермерҙың төп сифаты - хеҙмәт һөйөүсәнлек, тырышлыҡ, ер кешеһенә хас зирәклек. Район фермерҙарына уңышҡа ирешеүгә нәҡ шәхси сифаттар һәм эшлекле ҡарашы ярҙам итә. Мәләүез районында малсылыҡ, үҫемлекселек менән шөғөлләнгән 72 фермер хужалығы иҫәпләнә”,- ти мәғлүмәти консультация биреү үҙәгенең баш белгесе Евгений Кальянов. Уларҙы Фермер көнө уңайы менән ихлас ҡотлайбыҙ, эштәрендә уңыштар, бөтмәҫ-төкәнмәҫ энергия, ғаилә именлеге һәм фермерлыҡ эшенең сәскә атыуын теләйбеҙ!