Кәбеҫтәнән яҡшы уңыш алам тиһәң

Йәшел япраҡтары көслө булып үҫһен өсөн, бер биҙрәгә аммиак селитраһын (25 грамм), карбонатты (35 грамм), суперфосфатты (30 грамм) болғатып, тамырына һибергә кәрәк. Органик ашлама ла үҫешкә яҡшы тәьҫир итә. Сөнки тиреҫтә азот, кальций, тимер кеүек микроэлементтар бар. 10 литр һыуҙа 5 килограмм тиреҫте болғатып, ете көнгә әсетергә ултыртырға. Аҙаҡтан бер литр шыйыҡсаны ике биҙрә һыуға һалып бутайбыҙ ҙа, һәр төпкә яртышар биҙрә һибеп сығабыҙ. Теләһәгеҙ, биҙрәгә 125 грамм суперфосфат өҫтәһәгеҙ ҙә була: ул үҫемлектәрҙең иммунитетын күтәрә.