Тышта ҡар яуа, ҡар яуа, ниндәй саф һауа, саф һауа!

Әбет ауылы йәштәре ял итә белә. Оҙаҡҡа һуҙылған ҡышҡы ялдарҙы файҙалы, күңелле итеп уҙғара улар. Ошо көндәрҙә мәҙәниәт хеҙмәткәре Миләүшә Бикҡужина йәштәр өсөн тау шыуыу, төрлө уйындар ойошторҙо.Елдән етеҙ Илвир Йыһаншин, Искәндәр Юлыбаев,  бер туғандар Данил, Ильяс, Искәндәр Иҫәновтар уйындарҙа әүҙем ҡатнашты. Алтынай Юлыбаева, Илүзә Ҡотлоюлова, Айгизә Бәҙриева ла бирешмәне.

“Тау шыуыу байрамы Әбеттә йолаға әйләнде. Былтыр өлкәндәр ҙә ҡушылғайны. Быйыл барлыҡ һаҡлыҡ сараларын күҙәтеп, йәштәр менән үҙебеҙ генә үткәрҙек.