Сүп үләндәренең таралыуына юл ҡуймаҫ өсөн

Ямғырҙан һуң бесән мул үҫә. Сапмаһаң, бәпембә, балтырған кеүек сүп үләне баҫып алырға ғына тора.

Үлән сабыу - ҡала-район биләмәһен төҙөкләндереү буйынса мөһим сараларҙың береһе. Сүп үләндәренең таралыуына юл ҡуймаҫ өсөн уларҙы ваҡытында сабырға кәрәк. Был эште ҡалала “Йәшел хужалыҡ” муниципаль унитар предприятиеһы хеҙмәткәрҙәре атҡара. Ошоға ҡәҙәр Еңеү байрамы алдынан парк, скверҙарҙы йәшелләндереү, клумбаларға сәскәләр ултыртыу, һабантуй үткән яланды байрамға әҙерләү менән шөғөлләндәр. Әле улар үҙәк урамдағы аҫылмалы кашполарға, түтәлдәргә сәскәләр ултыртыу менән мәшғүл.