Яҙғы саҡырылыштың ҡыҙған мәле

Егеттәрҙе Рәсәйҙең Ҡораллы Көстәренә оҙатыу дауам итә, ул 15 июлгә тиклем барасаҡ. Сара коронавирус инфекцияһына бәйле барлыҡ санитар ҡағиҙәләр буйынса уҙа. Иҫегеҙгә төшөрәбеҙ, барлығы 130 егет һалдат ҡайышы быуасаҡ. “Хеҙмәткә алыныусыларҙың кәйефе шәп, ҡайһы бер студенттар диплом алғандың икенсе көнөнә үк үҙҙәре теләп китә”, - ти хәрби комиссариаттың әҙерлек һәм саҡырылыш бүлеге начальнигы Артур Яҡупов. Әйткәндәй, контракт буйынса хеҙмәт итергә теләгәндәр ҙә бар, Ватан алдында бурысын үтәгәндән һуң, һөнәре буйынса эш тапмаған, йә иһә төньяҡ тарафтарға йөрөп ялҡҡан биш егет кире ил һаҡларға юлланған.

Фото Интернеттан.