"Атайсал" программаһында ҡатнашыуҙы бурысы тип һанай

Көйөргәҙе егете Марсель Ярышев “Атайсал” программаһына иң беренселәрҙән ҡушылып, үҙенең тыуған ауылы Яманһарыла мәҙәниәт йортонда ремонт эшләүгә матди ярҙам  күрһәтте.Шәхсән буяу-ағартыу, электр сымдарын йүнәтеү кеүек эштәрҙе атҡарып сыҡты, сәхнә өсөн заказ менән ҡорма- шаршауҙар тектертеп элде. “Ауылда мәктәп, китапхана, мәҙәниәт усағы бер бинала урынлашҡан. Уҡыу йорто  ябылды, клуб йәшәй әле. Культура-ағартыу эштәрен алып барған ауылдашым  эшен яратып башҡара. Ауыл халҡы, өлкән йәштәге инәйҙәрөсөн берҙән-бер күңел асыу урыны йәшәй бирһен ине, уныһы ла ябылһа, ҡайҙа бара халыҡ? Еңеү байрамына тиклем ҡормаларҙы элдек, иҙәндәрен буяныҡ,” - ти Марсель.

Республикабыҙҙа  һәм унан ситтә төрлө ауыл һәм ҡалаларҙан сыҡҡан , тормошта үҙ урынын табып уңышлы йәшәгән һәммәһе Марсель Ярышев кеүек бәләкәс Ватанына – үҙе тыуған ауылына ярҙам итһә, шул төбәктә тормош бермә-бер яҡшырыр, Алла бойорһа