Конкурс дауам итә

Коммерцияға ҡарамаған ойошмалар 15 авгусҡа тиклем ғаризаларын ҡалдыра ала. Йәмәғәт дипломатияһын үҫтереү һәм ватандаштарға ярҙам итеү, шулай уҡ социаль хеҙмәтләндереү һәм граждандарға социаль ярҙам күрһәтеүгә бәйле проекттар ҡабул ителә. Махсус проект өсөн 2 миллиард һум аҡса бүленә.

Иҫегеҙгә төшөрәбеҙ, Рәсәйҙең Иҡтисади үҫеш министрлығы һәм өсөнсө сектор вәкилдәре социаль йүнәлештәге коммерцияға ҡарамаған ойошмаларға ярҙам итеү буйынса саралар комплексын әҙерләгәйне.

Документ РФ Хөкүмәте ҡушыуы буйынса һәм ил башлығының «Дәүләт социаль сәйәсәтен тормошҡа ашырыу буйынса саралар тураһында»ғы указын бойомға ашырыу маҡсатында атҡарыла.