Үҙем тапҡан мал түгел, атайҙыҡы йәл түгел

Бер үҫмер интернетта “Авито” аша әсәһенең ноутбугын бер мең һумға һатып ебәрә. Өлкәндәр уның был ҡылығын ваҡытында белеп ҡала. Хоҡуҡ һаҡлау органдары ярҙамында мөлкәт хужаһына кире ҡайтарыла.

Кеҫә телефонына һеҙгә лә сит телефондан шылтыратыуҙар киләме? Хатта япа-яңғыҙ йәшәп, аралашыуға һыуһаған булһағыҙ ҙа, яуап бирер алдынан ҡат-ҡат уйлағыҙ: уғрылар кеше психологияһын яҡшы белә, тишек шоманға ултырғанығыҙҙы һиҙмәй ҙә ҡалырһығыҙ.

Банк хеҙмәткәре булараҡ үҙен шылтыратып таныштырған мут әҙәм, клиенттың банк картаһына хакер һөжүме яһалғанын, унан 40 мең аҡса урларға маташҡандарын берәүгә шылтыратып әйтә. Уғрыларҙан уны һаҡлап ҡалыр өсөн, карта номеры һандарын һорайҙар. Бындай осраҡта күптәр ҡаушап ҡала шул. Мут әҙәмдәр был осраҡта ла ҡорбанының кеҫәһен 43 мең һумға таҡырайта.

Фото интернет селтәренән.