Ҡануниәт талабы үтәлеше тикшерелде

Мәләүез район-ара прокуратураһы юл хәрәкәте хәүефһеҙлеген күҙәтеү талабы үтәлешен тикшерҙе. Транспорт сараһына праваһы булған, әммә табипта эскелек диагнозы менән иҫәптә торған 14 граждан асыҡланған.

Ҡануниәткә ярашлы бындай сирлеләрҙең транспорт йөрөтөүгә хоҡуғы юҡ. Ошо фактҡа бәйле прокурор судҡа дәғүә менән мөрәжәғәтендә бындай граждандарҙың үтә хәүефле сығанаҡҡа идара итеүен туҡтатыуҙы талап иткән. Күҙәтеү ведомствоһы талабы тулыһынса ҡәнәғәтләндерелгән.

Суд ҡарарының үтәлеше прокуратура контролендә.