Конгэк
-23 °С
Болотло
75 лет Победы
Бөтә яңылыҡтар
Мәҙәниәт һәм әҙәбиәт
17 Февраль 2020, 00:09

18 июль бөтә Рәсәйҙә Фольклор көнө тип иғлан ителде

Мәләүездәр ҙә был тамашаны ҡарай аласаҡ.

“Фольклориада – 2020” ҡунаҡтарын Өфө 16 һәм 17 июлдә ҡаршы ала. Тантаналы асыу 18 июлдә “Өфө-Арена”ла буласаҡ. 19 июлдә баш ҡаланың үҙәк урамдары буйлап - “Башҡортостан” дәүләт концерт залынан “Торатау” конгресс-холына тиклем - ҡатнашыусыларҙың милли кейемдәге парады үткәрелә. 19 июлдән башлап ике аҙна буйына “Торатау” конгресс-холы амфитеатрында “Фольклориада йөрәге” үҙәк майҙаны эшләйәсәк. Ябыу тантанаһы 1 августа шулай уҡ амфитеатрҙа үтә. 20 июлдән башлап күп илдәрҙең вәкилдәре республика буйынса фестиваль округтарына тараласаҡ. Һәр ҡайһыһына ете-ун ил вәкиле ебәреү ҡарала. Сит ил ҡунаҡтарынан тыш, майҙандарҙа урындағы коллективтар ҙа сығыш яһарға әҙерләнә. Мотлаҡ шарт – тере музыка яңғырарға тейеш. Мәләүездәрҙең дә был тамашаны ҡарау мөмкинлеге буласаҡ.