Уға һинең йәшең, милләтең, дәрәжәң кәрәк түгел...

Мөхәббәтһеҙ тигән исемдән.

Рауил Бикбаев.

Мөхәбәт яҙыҡ түгел. Мөхәббәтһеҙ уйнаш яҙыҡ...

Мостай Кәрим.

Мөхәббәттән дә көслө, үсле, көнсөл нимә бармы икән?

Дилә Булгакова.

Мөхәббәтһеҙ кешенең көнө ҡыштыр.

Мөхәмәтсәлим Өмөтбаев.

Мөхәббәт – ул кипкән, янған ергә

Яуып киткән ямғыр шикелле.

Назар Нәжми.

Мөхәббәттең тамуғы ла ожмах.

Әнғәм Атнабаев.

Мөхәббәтте юғалтырға мөмкин,

Ләкин мөмкин түгел төңөлөү.

Әнисә Таһирова.

Мөхәббәт...Һин сир кеүек икәнһең – саҡырғанда килмәйһең, ҡыуғанда – китмәйһең.

Ибраһим Абдуллин.

Мөхәббәтһеҙ күңел – буш бер һауыт.

Таңһылыу Ҡарамыш.

Мөхәббәтһең кеше – иң бәхетһеҙ,

Ул ҡот осҡос мыжыҡ, ҡаяулы,

Ғашиҡтар ҙа әүлиәләр түгел,

Тик мөхәббәт булғас – аяулы.

Хәсән Назар.

Йәншишмәкәй ул Мөхәббәт икән,

Йәншишмәнән эскән – Үлемһеҙ.

Рәми Ғарипов.

Мөхәббәт бөтәһен дә аҡлата, ярлыҡата...

Мостай Кәрим.

Һөйөү менән нәфрәт йәнәш икән

Мөхәббәт тә тигән тоҙаҡта...

Флүзә Мырҙабаева.

Эй, мөхәббәт, ниндәй милләттән һин?

Барыһына риза, бошонмам.

Көфөр булһаң, йәнем, һинең өсөн

Суҡынырға әҙер мосолман.

Әхмәр Үтәбай.

Яратылмай йәшәп булһа ла бит,

Нисек йәшәйһең һуң яратмай.

Тойғон.

О мөхәббәт. Аҙмы яҙмыштарҙы

Донъя тамуғында яндырҙың.

Аҙмы исемдәрҙе, күккә яҙып,

Мәңгелек йыр итеп ҡалдырҙың.

Мостай Кәрим.