Аралашып хәҡиҡәт асыла

Сираттағы Хакимиәт көндәре ҡала предприятеларында элеваторҙа, кирбес һәм һыра заводтарында үтте. Шулай уҡ, “Һыра” заводы йәмғиәте директоры Ирек Ғәббәсов цехтар буйлап экскурсия уҙғарҙы. Һәр кемгә етештерелгән продукцияны тәмләп ҡарарға форсат бирелде. Бындай сараларҙың йыл һайын үткәрелеүе халыҡҡа туранан-тура район етәкселәре менән аралашыуға мөмкинлек бирә. Кешеләр, нигеҙҙә, юлдарҙы төҙөкләндереү, ҡарауһыҙ эттәрҙең күбәйеүе, газ хеҙмәтләндереү, урамдарҙы яҡтыртыу, электр энергияһы мәсьәләләре буйынса мөрәжәғәт итте. Ҡайһы бер һорауҙар урында уҡ хәл ителде. Оҙағыраҡ ваҡыт талап ителгәндәре иҫәпкә алынды, хәл итергә һүҙ бирелде.

Һүрәттә: һәр кемгә үҙен ҡыҙыҡһындырған һорауҙы бирергә мөмкинселек бирелде.
Автор фотоһы.