Үҙ баһағыҙҙы бирегеҙ

Республика халҡының власть органдары эшен баһалау мөмкинлеге бар. Быны «Башҡортостан Республикаһы тауышы» https://golos.bashkortostan.ru. порталында башҡарырға була.

Беҙҙең районда урындағы үҙидара органдарының уҙған йылғы эшен баһалауҙа бөтәһе 739 кеше ҡатнашҡан. Уларҙың 80,51 проценты етәкселәрҙең эше менән ҡәнәғәт. Транспорт хеҙмәтләндереүе өлкәһен 77,54 процент ыңғай баһалаһа, автомобиль юлдары торошо менән тауыш биреүселәрҙең 43,51 проценты ҡәнәғәт. Йылылыҡ - 88,63, һыу - 87,69 процент, яҡтылыҡ- 94,05, зәңгәр яғыулыҡ менән тәьмин итеү 93,5 процент тәшкил итә.

Торлаҡ-коммуналь хужалыҡ эшмәкәрлеген халыҡтың 90, 97 проценты ҡәнәғәтләнерлек тип иҫәпләй.

Халыҡтың 73,15 проценты урындағы үҙидара органдарының эше менән ҡәнәғәт.

Интернет селтәрендә быйылғы йыл һөҙөмтәләре буйынса тауыш биреү башланды. Һеҙҙең барығыҙҙы ла әүҙемерәк булырға саҡырабыҙ.