Рәсәй көнөндә лайыҡлылар бүләкләнде

Кисә мәҙәниәт һарайы алдындағы майҙанда Рәсәй көнө айҡанлы сағыу сара уҙҙы. Унда лайыҡлы яҡташтар тәбрикләнде, оло быуын вәкилдәренә "Һуғыш балалары" танытмаһы, район үҫешенә үҙ өлөшөн индергән, оҙаҡ йылдар халыҡ мәнфәғәтенә хеҙмәт иткәндәргә Бөтә донъя башҡорттары ҡоролтайының "Ал да нур сәс халҡыңа!" миҙалы, ун дүрт йәше тулғандарға паспорт тапшырылды. Байрам сараһына ҡаланың үҙешмәкәр артистары ҡуйған концерт йәм өҫтәне.