Ҡар таҙартыу эштәре дауам итә

Быйыл ҡыш яуым-төшөмгә йомарт. Ҡар-бурандар райондың юл һәм коммуналь хеҙмәттәренә эш өҫтәүен дауам итә генә. Күпләп яуғандан һуң техника юлдарҙы аса, унан һуң хеҙмәткәрҙәр көн дауамында тротуарҙарҙы таҙартыу менән мәшғүл. Һанаулы сәғәттәрҙә ҡалала был эште тиҙ арала башҡарып сығыу мөмкин дә түгел. Шуға ла түҙемһеҙ кешеләрҙән теге йәки был урамды, тыҡырыҡты таҙартыуҙарҙы үтенеп телефондан шылтыратыуҙар ҙа килә. "Йәшел" хужалыҡ хеҙмәткәрҙәре әйтеүенсә, юл буйҙарында ҡалдырылған машиналар махсус техниканың эшенә ҡамасаулай. Шәхси йорттағылар ҡарҙы юлға сығарып,  авария хәле тыуҙыра:асфальт өҫтөндәге ҡар еңел машина тәгәрмәсен эләктереп алыуы ихтималлығы арта.