Телде йоторлоҡ ҡоймаҡ

Хәмдиә Илмөхәмәтова: «Ярты литр һөттө йылытам һәм бер сынаяҡ тирәһе һыуыҡ һыу өҫтәйем. Самалап тоҙ, шәкәр, аш содаһы (яҡынса 0,5 сәй ҡалағы), көнбағыш майы (1-2 аш ҡалағы), бер (икене булһа ла ярай) йомортҡа һытам да он һалып туғыйым. Бер аҙ (10-15 минут) торғас майлы (беренсеһен генә майлайым) эҫе табала ҡоям. Сәй табынына ҡоймаҡтың эсенә ит, төрлө ҡайнатмалар, эремсек һалып төрөргә була. Ризыҡтарығыҙ тәмле булһын!»