Һеҙгә осрап ҡуймаһын

Енәйәтсенең ҡыҙы Регина әйтеүенсә, ҡыҙ әсәһе менән йылдар буйына Фәнғәттең ғазаплауҙарына түҙеп йәшәгән, икенсе өлкәгә лә ҡасып киткәндәр, ләкин ул барыбер эҙләп табып, үс алған. Улар хәҙер ҙә уның үсләшеүенән ҡурҡа. 📣 "Ғүмерем буйына шөрләнем. Һарайҙа йәшенеп илай торғайным. Төрмәнән сыҡҡас та минең күҙ алдымда әсәйемде һәм туғандарымды үлтерә яҙғансы туҡмай ине. Ҡариҙел районы ауылында бөтәһе лә унан ҡурҡып йәшәне. Иҫерек килеш бысаҡ тотоп йүгереп йөрөгән мәлдәре лә йыш булды. Кемделер туҡмап ташлау уның өсөн бер ни түгел ине. Мине үҙенең ҡыҙы түгел тип тә уйланы. Өләсәйем һөйләүенсә, ул мине көрткә лә күмеп ҡуйған, хатта бер шешә араҡы өсөн балаһыҙ ғаиләгә биргән», - ти ул. Уның һүҙҙәренсә, бөтәһе лә уның хаҡында белгән, уны эҙләгән саҡта бер кем бер ни эшләй алмаған, ҡурҡҡандар. Бер тапҡыр милиционерҙы туҡмаған, ләкин иректә ҡалған. Ир башлыса хулиганлыҡ, туҡмаған, урлашҡан өсөн ултырған, сөнки ул бер ҡайҙа ла эшләмәгән. Фото: Башҡортостаным яңылыҡтары"