Һыу баҫыу ҡурҡынысы янамаймы?

Һыу кимәле ҡапыл күтәрелгәндә йорттағы әйберҙәрҙе һаҡлау хәстәрен күрергә һәм эвакуацияға әҙерләнергә кәрәк.

Төп ҡағиҙәләр:

- тыныслыҡ һаҡлағыҙ,  юғалып ҡалырға ярамай;

- аҙыҡ, кейем-һалым, ҡиммәтле әйберҙәр, документтар, дарыуҙарҙы һәм башҡа кәрәк-яраҡты алдан әҙерләгеҙ;

- ярҙам килгәнсе юғары ҡаттарҙа, сарҙаҡта, ҡыйыҡта, ағас башында, бейегерәк урында ҡалығыҙ;

- ҡотҡарыусыларға флаг, факел, фонарь йәки шәм ярҙамында сигнал еткерегеҙ;

- ҡотҡарыусыларҙан ярҙам булмағанда, һыу баҫҡан ерҙән һуңғы сиктә генә үҙ аллы сығығыҙ;

- һыу ағышының тиҙлеген һәм йүнәлешен иҫәпкә алып, үҙ-үҙеңде ҡотҡарыуға тыныс, ентекле әҙерләнегеҙ;

- электрҙы, газды, мейестәге утты һүндерегеҙ, ишек-тәҙрәләрҙе бикләгеҙ;

- таныш урын һәм һыу тәрән булмағанда күренеп торған  бина, ҡоролма, ҡоро ергә етергә тырышығыҙ;

- һыу тиҙ баҫа торған урында ҡотҡарыусыларға сигнал бирергә кәрәк. Улар юҡ икән, яйлап ҡына ҡолға менән һыуҙың төбөн ҡапшап атлағыҙ.

Һыу ҡайтҡандан һуң:

- йортҡа ҡайтҡас, һаҡ булығыҙ. Стена, түбә, иҙән ныҡлығын тикшерегеҙ;

- электр һәм утты тоҡандыра күрмәгеҙ, сөнки газ сыҡҡан осраҡта шартлау ихтималлығы бар;

- бинаны, әйберҙәрҙе киптереү мотлаҡ, сүп-сарҙы йыйыштырып, биләмәне һәм торлаҡты тәртипкә килтерергә кәрәк.

Алексей СОРОКИН, юғары Ағиҙел участкаһы аҙ һыйҙырышлы суднолар инспекцияһының өлкән дәүләт  инспекторы.