Ни өсөн юлда балалар һәләкәткә тарый?

Ни өсөн балалар юл-транспорт ваҡиғаһында зыян күрә, шул турала уйланғанығыҙ бармы? Бер уйлаһаң, яуап ябай кеүек: ул хәүефһеҙлек ҡағиҙәләрен тотмаған. “Ул үҙе ғәйепле”, - тип һығымта сығарабыҙ. Ә өлкәндәр үҙ миҫалында кәрәкмәгән урында юл аша сығып, балаларҙа насар ғәҙәтте һеңдерәбеҙ түгелме? Юлда балаларҙың хәүефһеҙлеге тураһында иң тәүҙә беҙ - өлкәндәр: атай-әсәйҙәр, уҡытыусылар, тәрбиәселәр, ҡаршыға осрағандар һәм водителдәр уйларға тейеш. Тик шәхси миҫал менән генә беҙ баланы дисциплинаға өйрәтә алабыҙ.