Батарея яңы булмаһа, һәр хәлдә, бер-ике «крокодил» һатып алырға кәрәк: иртән улар минуттарҙы һәм сәғәттәрҙе генә түгел, нервы күҙәнәктәрен дә экономиялай ала. Иң мөһиме , үле батареяңды "көс бирергә" әҙер кеше табыу.
Һыуыҡ төндә батареяны өйгә алып инегеҙ.
Бер мәсьәлә аныҡ ҡына хәл ителәсәк – көсө бөтмәҫ. Әммә тағы ла берәүһе барлыҡҡа килә: аккумулятор батареяһын кешеләр булған бүлмәлә ҡалдырырға ярамай, сөнки ул билдәле бер күләмдә кислота парҙарын сығара. Ә иртәнсәк машинаға ултырып ҡына китә алмаясаҡһың – тәүҙә батареяны кире тоташтырып, бармаҡтарыңды туңдыраһың.
Шулай уҡ джапм-стартеры йәки бустер һатып алырға мөмкин, ул автомобиль өсөн пауэр-банкы. Был, әлбиттә, тик бер нисә зарядкаға етә. Клемма менән тоташыу өсөн «крокодилдар» менән йыһазландырылған. Күп кенә заманса моделдәр зарядлау өсөн USB-порттар менән йыһазландырылған. Ҡиммәтерәк версиялар, хатта оҙаҡ ваҡыт түбән температурала булһа ла, ҡеүәтен һаҡлап ҡала ала.