Юлдарҙа хәл көсөргәнешле

Ҡыҙғанысҡа ҡаршы, водителдәрҙең яуапһыҙлығы арҡаһында типһә тимер өҙөрлөк ир-егеттәр, һылыу ҡыҙҙар, яңы ғына йәшәй башлаған балалар һәләк була. Һәр үлемесле тамамланған авария артында селпәрәмә килгән яҙмыштар, берәүҙең берҙән-беренең өҙөлгән ғүмере тора.

«Иғтибар балалар!» оператив-профилактик сараһы сиктәрендә Мәләүез районының Юл хәрәкәте буйынса дәүләт инспекцияһы хеҙмәткәрҙәре 21-се балалар баҡсаһында әҙерлек төркөмдәре тәрбиәләнеүселәре менән осрашыу үткәрҙе. Юл буйында дөрөҫ һәм хәүефһеҙ тәртип тураһында аңлаттылар.