1 июль - Берҙәм тауыш биреү көнө

1 июлдә уҙасаҡ Берҙәм тауыш биреү көнөндә теге йәки был сәбәпле теркәлгән адреста була алмаһағыҙ (командировка, отпуск йәки башҡа ҡалала йәшәйһегеҙ), башҡа һайлау участкаһында тауыш бирә алаһығыҙ. Бының өсөн нимә эшләргә?

5 июндән 21-нә тиклем территориаль һайлау участкаһына (Мәләүез ҡалаһы, Воровский урамы, 4, 103-сө бүлмә) йәки дәүләт һәм муниципаль хеҙмәттәр күрһәтеүсе күп функциялы үҙәккә (Мәләүез ҡалаһы, Смоленский урамы, 108), ә 16 июндән 21-нә тиклем - үҙегеҙ теләгән һайлау участкаһына мөрәжәғәт итә алаһығыҙ. Унда паспорт йәки шәхесегеҙҙе раҫлаған документ менән барыу мотлаҡ.

Ғариза ҡабул итеү пункттарында үҙегеҙҙе тауыш биреүселәр исемлегенә индереүҙәрен һорап ғариза ҡалдыра алаһығыҙ.

Тауыш биреү участкаларының адресын үҙәк тауыш биреү комиссияһы сайтында РБhttp://www.сikrb.ru/find_your_area/index.php интерактив карта ярҙамында белергә була.

«Дәүләт хеҙмәте» порталында онлайн-режим аша ғариза ҡалдырып була. Бының өсөн порталда теркәлеү мотлаҡ.

1 июлдә үҙегеҙ йәшәгән урынға яҡын һайлау участкаһында тауыш бирә алаһығыҙ.

Иғтибар: ғаризаны бары тик бер генә тапҡыр биреп була. Һорауҙарығыҙ булһа, территориаль һайлау участкаһына (34764)3-51-53 телефоны аша мөрәжәғәт итегеҙ.