Владимир Путин Луганск һәм Донецк халыҡ республикаларының бойондороҡһоҙлоғон таныу тураһында указға ҡул ҡуйҙы

Рәсәй Президенты Владимир Путин Луганск һәм Донецк халыҡ республикалары бойондороҡһоҙлоғон таныу, шулай уҡ Рәсәй менән республикалар араһында дуҫлыҡ һәм хеҙмәттәшлек урынлаштырыу тураһындағы указға ҡул ҡуйҙы. Был хаҡта РИА Новости хәбәр итә.

21 февралдә Донецк һәм Луганск халыҡ республикалары башлыҡтары денис Пушилин һәм Леонид Пасечник Путинға уларҙың бойондороҡһоҙлоғон таныу үтенесе менән мөрәжәғәт иткәйне. Дүшәмбе көнө был тәҡдимде Именлек Советы ағзалары хупланы. Владимир Путин Именлек Советы менән уҙған кәңәшмәлә көн аҙағында ДХР һәм ЛХР азатлығын таныу тураһында ҡарар ҡабул ителәсәген белдергәйне.

Фото асыҡ сығанаҡтарҙан.