Конгэк
+24 °С
Болотло
TelegramVKОКdzen
ЯҠЫН КЕШЕГЕҘҘЕ ҠОТЛАҒЫҘ!
Бөтә яңылыҡтар
Социаль мәсьәлә
11 Ғинуар , 06:47

Ир-егет көнләшһә, тимәк, үҙен ныҡ ярата; ҡатын-ҡыҙ көнләшһә, үҙен үҙе яратмай

Гүзәл затты ҡотлаған ваҡытта йыш ҡына, ҡатын-ҡыҙ бәхете теләйем, тигәнде ишетергә тура килә. Был төшөнсәне һеҙ нисек аңлайһығыҙ?

Ир-егет көнләшһә, тимәк, үҙен ныҡ ярата; ҡатын-ҡыҙ көнләшһә, үҙен үҙе яратмай
Ир-егет көнләшһә, тимәк, үҙен ныҡ ярата; ҡатын-ҡыҙ көнләшһә, үҙен үҙе яратмай

 Күптәр, әлбиттә, бала тәрбиәләү, әсәй булыу тиер урынға, эргәңдә ышаныслы ир булыуы, тип әйтәсәк шулай, бит. Ғөмүмән, бәхетле булыу өсөн мотлаҡ тормошта булыу кәрәк, тигән ҡараш йәшәй йәмғиәттә. Нисек йәшәгәне мөһим түгел, яңғыҙ булмаһа - шул еткән. Дөрөҫөн әйткәндә, мин дә шулай уйлай инем. Әммә бер ҡатын менән танышып, һөйләшкәндән һуң ҡатын-ҡыҙ бәхете төшөнсәһенә фекерем үҙгәрҙе.

Оҙаҡ йылдар ситтә йәшәп, ире вафатынан һуң йәшлек эҙҙәрен һаҡлаған ҡалаға күсеп ҡайтҡан оло йәштәге ҡатын:

- Яңғыҙым ҡалғас ҡына бәхеттең нисек булыуын татыным. Кеше һүҙенән ҡурҡып, ҡырҡ йылдан ашыу ғүмеремде холоҡһоҙ ир менән үткәрҙем. Сабырлығым өсөн Аллаһу тәғәләм ҡартайған көндә бәхет ебәрҙе, - тигәйне.

Дүрт тиҫтә йыл баҫылып ятҡандан һуң шиғырҙар ижад итә башлаған, төшөргән һүрәттәре лә уның оҫта рәссам икәнлеген күрһәтә. Картиналары сағыу, шиғыр юлдары ла - оптимистик рухта. Былар, ысынлап та, ҡатындың бәхетле икәнлеген дәлилләй.

 

Ғаилә тормошонда иң мөһиме - түҙемлек. Һөйөү хисе оҙаҡ йылдарға етмәҫкә мөмкин.

(А.Чехов).

Бәхетһеҙлектән ҡурҡҡан бәхетен ҡулдан ысҡындырған.

(Башҡорт халыҡ әйтеме).

Бәхетле ғаиләләр бер-береһенә оҡшаш, ә бәхетһеҙҙәрҙең һәр береһе үҙенсә бәхетһеҙ.

(Л.Толстой).

Яҡшы кейәү эләкһә, тимәк, һин уллы ла булдың. Насар булып сыҡһа, ҡыҙыңды ла юғалттың тигән һүҙ.

(Демокрит).

Тормошоғоҙҙан клоундарҙы һәм артистарҙы ебәрегеҙ. Цирк гастролдә йөрөргә тейеш!

(Ф.Раневская).

Яратҡанығыҙҙы алырға тырышығыҙ, юғиһә, эләккәнен яратырға тура килер.

(Б.Шоу).

Әхлаҡлы кешенең ғаилә хәле һәр ваҡыт ҡатмарлы, әхлаҡһыҙҙың тормошонда ғына бөтәһе лә көйлө.

(Л.Толстой).

Ир-егет көнләшһә, тимәк, үҙен ныҡ ярата; ҡатын-ҡыҙ көнләшһә, үҙен үҙе яратмай.

(Г.Джермен).

Үҙең үҙгәрмәйенсә, бер нәмәне лә үҙгәртеп булмай.

(М.Энде).

Бәхетленең кәмәһе ҡоронан да йөрөй.

(Башҡорт халыҡ әйтеме).

Автор:Лена Абдрахманова
Читайте нас: