Йөҙөү буйынса алтын миҙал - Рәсәйҙә

Рәсәй спортсыһы Евгений Рылов Токиола барған Олимпия уйындарында арҡаға ятып 200 метрға йөҙөүҙә алтын миҙал яуланы. 24 йәшлек спортсы араны 1 минут 53,27 секундта йөҙөп үтеп, яңы рекорд ҡуйҙы, тип хәбәр итте «Чемпионат». Икенсе урынды Америка йөҙөүсеһе Райан Мерфи яуланы (0,88 секундҡа ғына ҡалышты). Өсөнсө урында — Люк Гринбэнк (Британия).

Евгений Рылов өсөн был — быйылғы Олимпия уйындарында икенсе алтын миҙал. Бынан алда ул арҡаға ятып 100 метр араға йөҙөүҙә иң көслөһө тип танылды. Ә Климент Колесников икенсе булып килде.

Фото: асыҡ сығанаҡтарҙан.