4 август спелеологтар һөнәри байрамын билдәләй

“Ни юғалтҡанмын мин ҡараңғы, бысраҡ мәмерйәлә?” - тип әйтеүселәр әле лә барҙыр, тик  ул тәбиғи ер аҫты майҙандарын өйрәнгән һөнәр эйәләренә ҡағылмай.

20 йыл элек Шүлгәнташ мәмерйәһенә керергә насип булды. Заманса баҫҡыстар, һикәлтәләр юҡ, резинка итектәр кейеп, өй ҙурлығы таштар өҫтөнән ярым ҡараңғыла йөрөп сығып, өсөнсө ҡатына күтәрелеп, теште сатнатырлыҡ һалҡын күлендә сайынып сығырға насип булғайны. Мәмерйәгә иртән инеп китәһең, ваҡыт сиклеге онотола, кискә саҡ килеп сыҡтыҡ, ә беҙгә, була ҡалһа 2-3 сәғәт кенә йөрөгән һымаҡ тойолдо. Ә һеҙ республикабыҙҙа ниндәй мәмерйәләрҙе беләһегеҙ? Уларҙы өйрәнгән ғаилимдарҙы һөнәри байрамы менән ҡотлайбыҙ, эшегеҙҙә уңыштар һеҙгә!