Халҡыбыҙҙың мәңгелек хазинаһы

15-се “Гүзәл” балалар баҡсаһында башҡорт халыҡ ижадының иң яҡшы өлгөләрен һаҡлау һәм таратыу, башҡорт халҡының тарихи һәм мәҙәни мираҫына ҡарата һаҡсыл ҡараш тәрбиәләү, телмәр, хәтер, тауыш, фекер мәҙәниәтен камиллаштырыу, башҡорт телен, әҙәбиәтен һәм мәҙәниәтен һаҡлау һәм үҫтереү маҡсатында «Урал батыр» эпосын башҡарыусылар һәм йәш сәсәндәр конкурсы уҙғарылды. Ярыш һайлап алыу һәм финал этаптарынан торҙо. Унда ҡала-райондың балалар баҡсалары тәрбиәләнеүселәре ҡатнашты. Урыҫ һәм башҡорт телендә 15 юлдан да кәм булмаған өҙөктө яттан һөйләргә ине.