"Хреновина" тиһәләр ҙә, бигерәк файҙалы!

Шундай файҙалы ризыҡты ни эшләп “хреновина” тип атағандыр, әммә бигерәк шәп, файҙалы ризыҡты ҡышҡылыҡҡа әҙерләп ҡала торған мәл етте, дуҫтар! Керән тамырының тажзәхмәт сиренә ҡаршы көрәштә файҙалығы тураһында ла күп яҙалар (ауырырға яҙмаһын). Бигерәк баҡсамда күп үрсегән был үҫемлек, рәхмәт яуғыры. Үҙ баҡсабыҙҙа үҫкән йәшелсәләрҙән ҡышҡылыҡҡа витаминдар туплап ҡалайыҡ.

3 килограмм помидорға 300 грамм керән тамыры, 200 грамм һарымһаҡ, өсәр ҡалаҡ шәкәр, тоҙ, 9 процентлы 5 ҡалаҡ уксус кәрәк буласаҡ. Йәшелсәләрҙе ит тартҡыс аша үткәрергә лә, ҡалған ингридиенттарҙы бергә ҡушып, стерилле банкаларға тултырырға. Ашығыҙ тәмле булһын!