Бөтә яңылыҡтар
Йорт усағы
26 Сентябрь , 15:00

Көлөгөҙ, файҙаһы күп, белегеҙ

Көлгәндәр оҙаҡ йәшәй

Көлөгөҙ, файҙаһы күп, белегеҙ

Берәү мылтыҡ тотоп урам буйынан килә. Уға танышы осрай.
— Ҡайҙа киттең былай?
— Ҡәйнәмдең тыуған көнөнә. Бына, бүләккә алҡа ла алдым.
— Ә ниңә мылтыҡ күтәрҙең?
— Ҡолағын тишергә.

* * *

— Йәнем, ә тыуған көнөмә һин нәмә бүләк итерһең?
— Ана, теге мерседесты күрәһеңме?
— Ой, йәнем, күрәм, әлбиттә!
— Нәҡ шул төҫтәге колготки бүләк итәм.

* * *

— Һин кемде күберәк тыңлайһың, әсәйеңдеме, атайыңдымы?
— Әсәйемде инде.
— Нишләп улай, һин бит малай кеше.
— Әсәй күберәк һөйләй бит.

* * *
— Кәкүк, кәкүк! Минең күпме ғүмерем ҡалған?
— Кәк...
— Нишләп шулай а…

* * *
Матбуғат конференцияһы бара. Президент һәм юғары етәкселәр ҡатнашлығында илдәге тәртипһеҙлектәрҙе тикшерәләр. Бәхәс ҡыҙғандан-ҡыҙа. Сәбәбе лә бар: унда кризис, бында етешһеҙлек, тегендә – кәмселек… Кемделер һүгәләр, нәмәгәлер зарланалар. Һәм залдан бер журналист президентҡа һорау бирә:
— Ә һеҙ “балыҡ башынан серей” тигән мәҡәлгә нисек ҡарайһығыҙ?
Президент залға күҙ йүгертеп ала ла йылмайып ҡуя:
— Балыҡ ысынлап та башынан серей. Ләкин уны ҡойроғонан таҙарта башлайҙар.

* * *
Уҡытыусы үҙен тилегә иҫәпләгән балаларға баҫырға тәҡдим итә. Класс бер мәлгә тын ҡала. Тирә-яғына ҡарана-ҡарана бер малай тороп баҫа. Уҡытыусы уға ҡыҙғаныс ҡараш ташлай:
— Һин үҙеңде ысынлап та тиле тип уйлайһыңмы?
— Юҡ, уйламайым. Уңайһыҙландым ғына, бер үҙегеҙ баҫып тораһығыҙ бит.

* * *
— Ой, һеҙ бөгөн шундай сибәр.
— Һеҙ бөтә матур ҡыҙҙарға ла шулай өндәшәһегеҙме?
— Юҡ, матур ҡызҙарға башҡаса өндәшәм.

Көлөгөҙ, файҙаһы күп, белегеҙ
Автор:Мархаба Гайнетдинова