*- Өйҙөң аҫты-өҫкә килгән саҡта ҡыңғырау төймәһенә баҫһалар, бүлмә уртаһына тиҙ генә күнәк менән һыу сығарып ҡуям. Ҡулыма иҙән сепрәге алам да, «Иии өй йыйыштырып ятам әле», - тип ишекте асам.
*Икәү бергә йәшәү – айырым йәшәгән осраҡта килеп тыумаясаҡ мәшәҡәтте хәл итеү ул.
*Совет осоро. Беренсе Май байрамы журналист урамда интервью алып йөрөй:
- Беҙҙең радио өсөн тура эфирҙа нимә әйтерһегеҙ?
- Ысҡын бынан!
- Бөтә ҡалала бына шулай, йәмәғәт! Уйын-көлкө! Күңел асыу! Шаярыу!..
*Врач башы ауыртыуҙан зарланып килгән ҡатындан һорай:
- Һеҙ кейәүҙәме?
- Юҡ.
- Улайһа, бының сәбәбен нисек аңлатырға ла белмәйем.
*Ир менән ҡатын әрләшә.
- Һиңә кейәүгә сығып, йүләр булдым!-
- Мин дә нишләп һине алдым инде, ахмаҡ баш!
Быны ишеткән улдары ҡушыла:
- Икегеҙҙең дә аҡылы юҡ, ә минән “бишле”ләр талап итәһегеҙ!
*- Ханым, һеҙҙең менән элек күрешмәгән инекме?
- Күрешкән инек. Миңә өйләнергә һүҙ биргән инегеҙ!
- Әй, юҡ. Һеҙҙе кемгәлер оҡшаттым, ахырыһы.
*Йоҡонан уянғанда кәйефем шәп икән, тимәк, йоҡлап ҡалғанмын.
*Ғаиләлә тыныслыҡ һаҡлау өсөн мөхәббәт, хөрмәт, сабырлыҡ һәм һәр кемгә үҙ компьютеры кәрәк.
*Өләсәйе ейәнсәренә әкиәт һөйләй:
- Ҡыҙым, ололарҙы тыңларға кәрәк. Бына Ҡыҙыл башлыҡты тыңламаған өсөн бүре тотоп ашаған.
- Башта ул бит өләсәйҙе ашаған.