Яҙмыш осраштырғанына бәхетлемен

Башҡортостандың ғына түгел, донъяның виртуоз ҡумыҙсыһы, БАССР-ҙың , РСФСР-ҙың атҡаҙанған мәҙәниәт хеҙмәткәре, Салауат Юлаев исемендәге дәүләт премияһы лауреаты Роберт Заһретдинов менән заманында яҙмыш осраштырғанына, уның менән бер сәхнәлә сығыш яһағаныма,  унан ҡумыҙҙа уйнау дәресе алырға насип булғанына бәхетлемен. Роберт Абдрахман улы 1932 йылдың 16 декабрендә  Мәсетле районының Әжекәй исемле ауылында донъяға килгән. 1998 йылда Австрияла халыҡ-ара фестивалдә “Ҡумыҙ буйынса халыҡ-ара класлы оҫта” тигән маҡтаулы исемгә лайыҡ була. Бөгөн уның баҡыйлыҡҡа күскәненә ете йыл, арҙаҡлы ҡумыҙсыны яҡты хәтерҙәр менән иҫкә алайыҡ.