"Һаулыҡ һаҡлау" милли проекты: Башҡортостандың тағы бер ауыл дауаханаһы заманса УЗИ-аппараттар алды

Яңы УЗИ-аппараттар һүрәттәрҙең юғары кимәлдәге деталдәренә эйә. Был система диагностик мәғлүмәттәрҙе оператив алыуҙы һәм функциялар һәм ҡушымталарға тиҙ инеүҙе, шулай уҡ юғары йөкләнеш шарттарында эшләү мөмкинлеген тәьмин итә. Үрге тәтешле үҙәк район дауаханаһының баш табибы Илгиз Шәңгәрәев билдәләүенсә, ҡорамалдар ауырыуҙарҙы организмдың бөтә ағзалары һәм системаларының иртә стадияларында диагностикаларға, шулай уҡ йөклөлөк осоронда УЗИ-скринингтар үткәрергә мөмкинлек бирә. "Һәр ҡорамалдың,  бигерәк тә УЗИ-аппараттар кеүек кәрәкле ҡорамалдарҙың килеүе — беҙҙең дауахана өсөн мөһим ваҡиға. Хәҙер, аппараттар һаны ике тапҡырға артҡандан һуң, сират кәмейәсәк һәм пациенттар кәрәкле УЗИ тикшереүҙәрен тиҙерәк үтә аласаҡ. Шуға ярашлы, беҙҙең районда медицина ярҙамы күрһәтеү сифаты күпкә яҡшырасаҡ", - тип йомғаҡ яһаны Илгиз Шәңгәрәев.