Булғанына шөкөр итергә ҡала

Игенселәребеҙ өсөн ҡыҙыу мәл дауам итә: иген культураларын урып-йыйыу ошо көндәрҙә тамамланыуға бара.  Ауыл хужалығы бүлеге мәғлүмәттәренә ҡарағанда, етен, гәрсис йыйып алынған. Тәүгеһенең гектар ҡеүәте - 7,4 центнер, былтырға ҡарағанда хөртөрәк, был һан уҙған йылда 12-гә етә яҙған. Шулай уҡ мал аҙығына силос әҙерләү дауам итә: 5300 гектарҙа үлән сабылған. Һалынған сенаждың күләме былтырғыға ҡарағанда ике тапҡырға аҙ: барлығы 12880 тонна әҙерләнгән.