Һалдаттарға - милли ризыҡ

Яуҙағы хәрбиҙәргә ярҙам күрһәтеүселәр араһында төрлө йәштәге кешеләр, шул иҫәптән мәктәп уҡыусылары ла бар.

Ошо көндәрҙә район-ҡала мәктәптәрендә «Минең милли ризығым - 2025» тип исемләнгән флешмоб үтте.

Республикала махсус хәрби операцияла ҡатнашыусыларға һәм уларҙың ғаилә ағзаларына ярҙам итеү йылына арналған сарала 7-11-се класс уҡыусылары, технология уҡытыусылары, туҡланыу буйынса операторҙар, ашнаҡсылар ҡатнашты.

Уҡыусылар оҫталыҡ дәресендә технология уҡытыусылары һәм ашнаҡсылар менән бергә милли аш-һыу әҙерләне. Бешергән ризыҡ райондан махсус хәрби операция  биләмәһенә гуманитар конвой менән ебәреү өсөн әҙерләнгән.

Гөлназ ӘМИРОВА.

Фото архивтан.