Радий Хәбиров МХО яугирҙәрен генерал Шайморатов миҙалы менән бүләкләне

Башҡортостан Башлығы Радий Хәбиров махсус хәрби операцияла ҡатнашҡан ике яҡташыбыҙҙы генерал Шайморатов миҙалы менән бүләкләне. «Башҡортостан» мотоуҡсылар полкы яугире Радмир Байегетов һәм Доставалов исемендәге батальондың медицина взводы командиры Арыҫлан Мырҙағолов дәүләт наградаһы менән билдәләнде. Яугирҙәргә миҙал республика хөкүмәтенең оператив кәңәшмәһендә тапшырылды.

«Радмир Урал улы МХО-ға тиклем милли китапханала эшләне. Үҙ теләге менән фронтҡа китергә ҡарар итте. Арыҫлан Фәнил улы Доставалов исемендәге батальонда хеҙмәт итә, дәүләт наградалары менән бүләкләнгән. Хеҙмәтегеҙ өсөн рәхмәт», — тине Радий Хәбиров.

Радмир Байегетов - Зәки Вәлиди исемендәге милли китапханала директор урынбаҫары, Арыҫлан Мырҙағолов Иглин үҙәк район дауаханаһында эшләгән.

«Республика Башлығы Радий Фәрит улы Хәбировҡа, хөкүмәткә, Дәүләт Йыйылышына һәм барлыҡ Башҡортостан халҡына даими ярҙамдары өсөн рәхмәт белдерәм. Тылыбыҙҙың ныҡлы икәнен тоябыҙ. Беҙҙең ғаиләләргә лә ярҙам күрһәтелә. Тыл һәм фронт берҙәм булғанда еңелмәҫбеҙ. Еңеү беҙҙең яҡта булыр», — тине Радмир Байегетов.

«Яҡшы хеҙмәт итеп, иҫән-һау әйләнеп ҡайтығыҙ», — тигән теләктәрен еткерҙе республика етәксеһе.

Сығанаҡ: "Башинформ" мәғлүмәт агентлығы.

Автор:

Читайте нас:

Сайт общественно-политической газеты г. Мелеуз и Мелеузовского района Республики Башкортостан «Конгэк».

Об использовании персональных данных

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.

Баш мөхәррир Абдрахманова Л.А.

Электрон почта

[email protected]

Адресы

Башҡортостан республикаһы, Мәләүез ҡалаһы, Воровский урамы, 6-сы йорт.

Телефон

+7 (347-64) 3-52-07