-6 °С
Ҡар
Бөтә яңылыҡтар
МХО-лағыларға ярҙам
28 Ноябрь 2025, 09:01
МХО ветерандары өсөн форум үткәрелә
9 декабрҙә Өфөлә, Ватан Геройҙары көнөндә, «Ватанға хеҙмәт итәм» республика форумы ойошторола. Был хаҡта Башҡортостан Башлығы ярҙамсыһы, республиканың МХО ветерандары ассоциацияһы рәйесе Оскар Ситдиҡов хәбәр итте.
МХО ветерандары өсөн форум үткәрелә
Хәрби разведка офицеры билдәләүенсә, форум махсус операция ветерандарына осрашырға, шулай уҡ аралашырға, тәжрибә уртаҡлашырға һәм дәүләт ярҙамын тойорға мөмкинлек бирә.Форум туғыҙ белем биреү майҙансығына бүленә, унда ҡатнашыусылар бизнес алып барыу темаларын тикшерә, үҙҙәре хаҡында һөйләй, муниципалитет вәкилдәре менән аралаша ала. Балалар һәм үҫмерҙәргә айырыуса иғтибар бирелә, уларҙың йәш геройҙар һәм МХО-ла ҡатнашыусылар менән осрашып һөйләшеү мөмкинлеге бар.
«Ҡатнашыусылар Башҡортостан Башлығы Радий Хәбиров менән осраша. Был иһә туранан-тура һорау биреү һәм иң юғары кимәлдә ярҙам алыу мөмкинлеге, — тип билдәләне Оскар Ситдиҡов. — Башҡортостандың МХО ветерандары ассоциацияһы республиканың төрлө райондарынан 1500-ҙән ашыу ветеранды берләштерә. Форум улар өсөн фекерҙәштәр табыу ғына түгел, ә йәштәргә остаз булыу, үҙҙәренең илһөйәрлек рухын һәм тәжрибәһен тапшырыу өсөн уңайлы майҙансыҡ булып тора».
Новости партнеров