Берҙәмлектә беҙҙең көс

- Радий Фәрит улы барлыҡ граждандарыбыҙға аңларға кәрәкле мөһим йөкләмәне еткерҙе – махсус хәрби операция туғандаш Украинаға ҡаршы түгел, ул – коллектив көнбайыш илдәре  менән көрәш. Украина территорияһын файҙаланып, сит ҡулдар менән Рәсәй менән һуғыш алып барған кешеләр менән. Шулай уҡ Азамат Рауил улы Рәсәйҙең бөтә халыҡтарының, шул иҫәптән Мәләүез районы һәм ҡалаһы халҡының берҙәмлеген һәм ярҙамсыллығын билдәләне. - Беҙҙә  һәр саҡ ярҙамға килергә әҙер булған дуҫ халыҡ йәшәй.. Мәләүездәр махсус хәрби операцияның тәүге көндәренән үк яугирҙәр хаҡында хәстәрлек күрә, уларға ярҙам итә. Ай һайын хәрби хәрәкәттәр зонаһына гуманитар ярҙам килтерелә. Йыйылышта беҙҙең район халҡы, шулай уҡ ҡала коллективтары ҙур ярҙам күрһәтә.

Радий Хәбировтың республика Хөкүмәтенә предприятиеларҙың иң яҡшы хеҙмәт коллективтарына генерал Шайморатов орденын биреү буйынса тәҡдимдәр индерергә ҡушыуына айырыуса иғтибар иттем. Был бик мөһим тәҡдим тип иҫәпләйем. Сөнки һүҙ бер тапҡыр үткәрелгән акциялар тураһында түгел, ә коллективтарҙан ай һайын килгән һәм уларҙың үҙ инициативаһы буйынса формалашҡан ярҙам тураһында бара. Әгәр беҙ берҙәм булһаҡ, еңеү беҙҙең яҡта буласаҡ.