Оса, оса, оса, оса, оса саң бурандары...

Август айындағы эҫе һауа торошо күптәрҙе алйытҡандыр. Әҙәм балаһы буш ваҡытында һыу-күл буйында сәпелдәй, тәбиғәт тә өнһөҙ генә ямғыр көтә.

 Кисә офоҡта болот күренгәс, күптәр ҡыуанғандыр. Әммә ул ҡап-ҡара саң болото булған,  баҡтиһәң. Башҡортостандың ҡайһы бер төбәктәрендә, Яр Саллы ҡалаһында ҡом-саң бураны күтәрелгән видеояҙмаларға ҡараһаң, ҡурҡыныс. Көслө ел ағастарҙы тамырынан йолҡоп алған.

Рәсәйҙең ҡайһы бер төбәктәрендә яуым-төшөм күп, ҡайҙа китте икән беҙ көткән ямғырҙар?

Фото интернеттан.