+10 °С
Болотло
Кемгәлер үпкәгеҙ булһа — кисерегеҙ, кемделер үпкәләтһегеҙ — ғәфү һорағыҙ һәм күңелегеҙҙә ауыр таш булып ятҡан тойғоларҙан ҡотолорһоғоҙ. Күңел тыныслығы — иң мөһиме!
Ҡабатлайым нисәнсе көн
Эстән генә:
- Был ғүмерҙәр, әйтерһең дә,
Өс көн генә...
Асыу тотоп йөрөү – гонаһ,
Кисерә бел,
Бөгөн әйтер үпкә һүҙен
Күсерә бел.
Осрашыуҙан-күрешеүҙән
Тороп ҡалма,
Хаталарыңды туҡтауһыҙ
Иҫкә алма.
Бәләкәй генә шатлыҡҡа
Һөйөнә бел,
Етешмәгән, етмәгәнде
Уйлама гел!
Ҡәҙерлә һәр көндө, - тимен
Эстән генә –
Был ғүмерҙәр, әйтерһең дә,
Өс көн генә...
Фирүзә Абдуллина.