Әсәйҙәргә йышыраҡ ҡайтығыҙ

Һынды инде мине әсәйемә,
Тоташтырған тормош күпере.
Йөрәгемдә ниҙер өҙөлгәндәй,
Өҙөлгәндә әсәм ғүмере...

Күҙгә күренмәҫлек ептә икән,
Бала менән әсә араһы...
Бармы икән дауа, баҫыр өсөн,
Был уңалмаҫ йөрәк яраһын?!

...Әйтеп өлгөрмәгән һүҙҙәр ҡалды...
Үкенестәр ҡалды, һуң инде...
Ерҙе тырнап, үкһеп илаһам да,
Әсәкәйем хәҙер юҡ инде...

Ҡолағымда ғүмер буйы сыңлар,
Әсәм моңо - изге доғалар.
Бик ауыр ҙа икән был юғалтыу,
Үкенесле икән донъялар...
🤲🤲🤲
Тормош күперегеҙ һынмағанда әсәйегеҙгә йышыраҡ шылтыратығыҙ, барығыҙ, ҡайтығыҙ! 😔😭 Иң ҡәҙерле кешемдең баҡыйлыҡҡа күсеүенә лә 50 көн тула. Илле көн иртүк өйрәнелгән ғәҙәт буйынса телефон һанын йыям... Ә унда тынлыҡ😥