+8 °С
Болотло
Бөтә яңылыҡтар
Иман
17 Март , 06:05
Иртәнге аҙан
Ауыл йоҡлай, көс-хәл туплай яңы көнгә.Ниҙәр бирер алда ғүмер – мәғлүм кемгә?
Иртәнге аҙан
Ауыл йоҡлай, көс-хәл туплай яңы көнгә.
Ниҙәр бирер алда ғүмер – мәғлүм кемгә?
Кеше белмәй, ләкин өҙмәй өмөт ебен:
“Йә Раббыбыҙ, бар донъябыҙ ит Һин имен!”
Һәм бер аҙҙан моңло аҙан йән тибрәтер,
Хаҡиҡәткә, салихәткә юл күрһәтер
Мөслимдәрҙе, мөьминдәрҙе теҙер сафҡа –
Изгелектәр, игелектәр өсөн һаҡҡа.
Ҡояш ҡалҡыр, сағыу балҡыр көмөш нурҙар,
Тик хаҡ булыр, ихлас булыр ғәмәл, уйҙар.
Раббыбыҙҙың ризалығын итер иғлан
Аҙандарҙан, намаҙҙарҙан һыҙылған таң.
Даян Мәзитов.
https://vk.com/ufa_barakat
Новости партнеров