Ҡулдарына ҡул теймәһен

Баш мейеһе эшмәкәрлеге туранан-тура бармаҡ осондағы рецепторҙарға бәйле. Ҡул менән эшләү кешенең сәләмәтлегенә, телмәр, фекерләү, аҡыл үҫешенә яҡшы йоғонто яһай. Шуға ла һуңғы йылдарҙа балалар менән шөғөлләнеүгә бәйле түңәрәктәр һаны артыуы  - ҙур ҡыуаныс. Ҡаланың үҙәк балалар китапханаһы мөдире Наталья Иванова тиҫтә йыл дауамында Халыҡ- ара инвалидтар көнө айҡанлы саралар ойоштора. Яңыраҡ унда балаларҙың ҡул эше күргәҙмәһе асылды. Сара декабрь аҙағына тиклем барасаҡ.