Конкурсҡа йомғаҡ яһалды

«Тик торма» конкурсында етмештән ашыу видеоролик ҡатнашты. Улар араһында ҡыҫҡа ғына роликтар ҙа, тулы сығыштар ҙа, архив материалдар ҙа бар ине. Ижади эштәргә йомғаҡ яһағанда уның элекке кадр түгеллеге, сюжет бөтөнлөгө, бейеүселәрҙең оҫталығы - барыһы ла иҫәпкә алынды. Шуға күрә еңеүселәр төрлө номинацияларҙа билдәләнде: “Бейеү яланы йондоҙҙары” – Аптраҡ ауыл мәҙәниәт йорто, “Дәүләтҡолдарса баҫыу” – Дәүләтҡол үҙешмәкәрҙәре, “Традицияларҙы һаҡлағаны өсөн” – Воскресенскиҙан Рожковтар ғаиләһе, “Танцор Диско” – Иштуғандан Илмир Бикиев, “Сағыу сюжет” – Трясино ауылынан “Йәйғор” коллективы,  “Берҙәм команда” - Нордовканан “Непоседы” төркөмө, “Нәзәкәтлелек” - Бельскийҙан Ынйы Исмәғилева.