Мәңгелек дан һиңә, яҡташыбыҙ!

Бөгөн, 20 ноябрҙә, Аптраҡ ауылында махсус хәрби операцияла батырҙарса һәләк булған Илмир Нәжметдинов менән хушлашыу сараһы уҙҙы.

Һалдат менән бәхилләшеүҙә уның яҡын кешеләре, ауылдаштары, БР Дәүләт Йыйылышы - Ҡоролтай депутаты Данир Ғәйнуллин, район хакимиәте вәкилдәре, Мәләүез ҡалаһы, Мәләүез һәм Федоровка райондары хәрби комиссары урынбаҫары Семен Кочергин, Аптраҡ ауыл биләмәһе башлығы Фидан Юлтимеров һәм башҡалар ҡатнашты.

Илмир Илдус улы 1999 йылдың 29 апрелендә Мәләүездә тыуған. Ҡаланың 1-се мәктәбендә 9-сы класты тамамлағандан һуң, 42-се һөнәрселек лицейына «Технология ҡорамалдары монтажсыһы» һөнәре буйынса уҡырға инә.

Ватан алдындағы хәрби бурысын 2017-2018 йылдарҙа уҡсы булараҡ үтәй.

2019 йылдан 2021 йылға тиклем район Эске эштәр бүлегендә участковый булып эшләй.

2022 йылдың 26 сентябрендә мобилизация буйынса махсус хәрби операцияла ҡатнаша.

2024 йылдың 5 ноябрендә батырҙарса һәләк була.

Тыуған илдең яҡты киләсәге өсөн дошман менән һуңғы һулышынаса көрәшкән Аптраҡ ауылы егетенең исеме мәңгеләштерелер, яугирҙең батырлығы онотолмаҫ. Беҙ мәрхүмдең яҡын туғандарының, әсәһенең, ҡатынының һәм улының ауыр хәсрәтен уртаҡлашабыҙ.

Автор фотолары.