Мәҙәниәт хеҙмәткәрҙәре тәбрикләнде

Бөгөн ҡала мәҙәниәт һарайында мәҙәниәт хеҙмәткәрҙәрен тәбрикләү тантанаһы үтте. Улар төрлө һөнәр эйәләре - музей һәм китапхана хеҙмәткәрҙәрен, мәҙәниәт йорттары һәм ауыл клубтары белгестәрен, балалар сәнғәт мәктәптәре уҡытыусыларын һәм ижади коллективтарҙы район хакимиәте башлығы Зәбир Ғабдуллин, мәҙәниәт бүлеге етәксеһе Ләйсән Йәмилева ҡотланы.

Был өлкәлә ижади, талантлы, тынғыһыҙ йөрәкле кешеләр эшләй, улар көн һайын башҡаларға күңел йылыһын бирә, кешеләргә изгелек һәм яҡтылыҡ бүләк итә. Үҙенсәлекле һөнәр эйәләренә бик күп йылы һүҙҙәр әйтелде. Сара барышында иң яҡшы мәҙәниәт хеҙмәткәрҙәре Маҡтау грамоталары һәм Рәхмәт хаттары менән бүләкләнде.

Тантаналы өлөштән һуң үҙешмәкәр артистар ҡатнашлығында ҙур байрам концерты үтте. 

Автор фотолары.